ಹೃದಯಾಘಾತಕ್ಕೆ ಮೂಲ ಕಾರಣ: ತಜ್ಞ ವೈದ್ಯರ ವರದಿಯಲ್ಲಿ ಸಿಕ್ಕಿತು ಭಯಾನಕಾಂಶ

ಬೆಂಗಳೂರು: ಹೃದಯಾಘಾತಕ್ಕೆ  ಸಮಸ್ಯೆಗೆ ಒತ್ತಡ, ಮಧುಮೇಹ, ಧೂಮಪಾನ, ಮತ್ತು ಅನಾರೋಗ್ಯಕರ ಜೀವನಶೈಲಿಯ ಜೊತೆಗೆ, ಅತಿಯಾದ ಉಪ್ಪು ಮತ್ತು ಸಕ್ಕರೆ ಸೇವನೆಯೂ ಪ್ರಮುಖ ಕಾರಣವಾಗಿದೆ ಎಂದು ವೈದ್ಯರ ವರದಿ ಬಹಿರಂಗಗೊಳಿಸಿದೆ.

ರಾಜ್ಯದಲ್ಲಿ ಹೆಚ್ಚುತ್ತಿರುವ ಹೃದಯ ಆಘಾತಗಳ ಕುರಿತು ರಾಜ್ಯ ಸರ್ಕಾರ ತನಿಖೆ ನಡೆಸುವಂತೆ ಜಯದೇವ ಹೃದ್ರೋಗ ಆಸ್ಪತ್ರೆಯ ಮುಖ್ಯಸ್ಥರಿಗೆ ಆದೇಶಿಸಿತ್ತು. ಅದರಂತೆ ಹಿರಿಯ ತಜ್ಞ ವೈದ್ಯರುಗಳ ತಂಡ ಈ ಕುರಿತು ಅಧ್ಯಯನ ನಡೆಸಿ ವರದಿಯನ್ನೂ ಸಲ್ಲಿಸಿದೆ.

ಆಹಾರ ತಜ್ಞ ಡಾ. ಕೀರ್ತಿ ಹಿರಿಸಾವೆ ಅವರ ಪ್ರಕಾರ, ಎಲ್ಲ ಆಹಾರದಲ್ಲಿ ಸಹಜವಾಗಿ ಸೋಡಿಯಂ (ಉಪ್ಪಿನ ಅಂಶ) ಇದ್ದರೂ, ಅತಿಯಾದ ಸೋಡಿಯಂ ಸೇವನೆಯಿಂದ ರಕ್ತನಾಳಗಳು ಮತ್ತು ನರಗಳು ದುರ್ಬಲವಾಗುತ್ತವೆ, ಇದು ಹೃದಯಾಘಾತದ ಅಪಾಯವನ್ನು ಹೆಚ್ಚಿಸುತ್ತದೆ.
ಅತಿಯಾದ ಸಕ್ಕರೆ ಸೇವನೆಯು ರಕ್ತದ ಸಕ್ಕರೆ ಮಟ್ಟವನ್ನು ಏರಿಳಿಕೆಗೊಳಿಸಿ, ಕೊಬ್ಬಿನ ಕಾಯಿಲೆ (ಫ್ಯಾಟಿ ಲಿವರ್) ಮತ್ತು ಚಯಾಪಚಯದ ಏರುಪೇರಿಗೆ (ಮೆಟಬಾಲಿಕ್ ಇನ್ಫ್ಲುಯೆನ್ಸ್) ಕಾರಣವಾಗುತ್ತದೆ. ಇದರಿಂದ ಕಾರ್ಡಿಯೋವಾಸ್ಕುಲರ್ ಕಾಯಿಲೆಗಳ ಅಪಾಯ ಹೆಚ್ಚಾಗುತ್ತೆ ಎಂದು ಹೇಳಿದ್ದಾರೆ.

ಉಪ್ಪಿನ ಅಂಶ ಹೆಚ್ಚಿರುವ ಆಹಾರಗಳು:
ಚಿಪ್ಸ್: ಇವುಗಳಲ್ಲಿ ಸೋಡಿಯಂನ ಪ್ರಮಾಣ ಅತಿ ಹೆಚ್ಚಿರುತ್ತದೆ, ಇದು ರಕ್ತದೊತ್ತಡವನ್ನು ತಕ್ಷಣವೇ ಏರಿಳಿಕೆಗೊಳಿಸಬಹುದು.
ನಮ್ಕೀನ್ಸ್: ಈ ತಿಂಡಿಗಳು ರುಚಿಕರವಾದರೂ, ಉಪ್ಪಿನ ಅಂಶದಿಂದ ಹೃದಯಕ್ಕೆ ಹಾನಿಕಾರಕ.
ಬ್ರೆಡ್: ದೈನಂದಿನ ಆಹಾರದಲ್ಲಿ ಸಾಮಾನ್ಯವಾಗಿ ಬಳಸಲಾಗುವ ಬ್ರೆಡ್‌ನಲ್ಲಿ ಗುಪ್ತವಾಗಿ ಸೋಡಿಯಂ ಇರುತ್ತದೆ.
ಇನ್ಸ್ಟೆಂಟ್ ನೂಡಲ್ಸ್: ಇವು ಸುಲಭ ಆಹಾರವಾದರೂ, ಸೋಡಿಯಂನಿಂದ ಕೂಡಿರುತ್ತವೆ.
ಪ್ಯಾಕೇಜ್ಡ್ ಸೂಪ್ಸ್:

ಇವು ಆರೋಗ್ಯಕರವೆಂದು ತೋರುವುದಾದರೂ, ಸೋಡಿಯಂನ ಪ್ರಮಾಣ ಹೆಚ್ಚಿರುತ್ತದೆ.
ಹೋಟೆಲ್ ಊಟ: ಹೊರಗಿನ ಆಹಾರದಲ್ಲಿ ರುಚಿಗಾಗಿ ಉಪ್ಪನ್ನು ಅತಿಯಾಗಿ ಬಳಸಲಾಗುತ್ತದೆ.
ಅತಿಯಾದ ಸಕ್ಕರೆ ಸೇವನೆಯಿಂದ ಉಂಟಾಗುವ ಅಪಾಯಗಳು
ಅತಿಯಾದ ಸಕ್ಕರೆ ಸೇವನೆಯು ದೇಹದ ಇನ್ಸುಲಿನ್ ಮಟ್ಟವನ್ನು ಏರಿಳಿಕೆಗೊಳಿಸುತ್ತದೆ, ಇದರಿಂದ ಕೊಬ್ಬಿನ ಕಾಯಿಲೆ (Fatty Liver) ಮತ್ತು ಚಯಾಪಚಯದ ಅಸಮತೋಲನ ಉಂಟಾಗುತ್ತದೆ.

ಇದು ಕಾರ್ಡಿಯೋವಾಸ್ಕುಲರ್ ಕಾಯಿಲೆಗಳಿಗೆ ದಾರಿ ಮಾಡಿಕೊಡುತ್ತದೆ. ಒಬ್ಬ ವ್ಯಕ್ತಿಯ ದೈನಂದಿನ ಕ್ಯಾಲರಿ ಸೇವನೆಯ ಶೇ.10ಕ್ಕಿಂತ ಹೆಚ್ಚು ಸಕ್ಕರೆಯಿಂದ ಬರಬಾರದು.

• ಹೆಚ್ಚು ಸಕ್ಕರೆಯಿರುವ ಆಹಾರ:
  ಸ್ವೀಟ್ಸ್: ಇವು ಸಕ್ಕರೆಯಿಂದ ತುಂಬಿರುತ್ತವೆ, ಇದು ರಕ್ತದ ಸಕ್ಕರೆ ಮಟ್ಟವನ್ನು ಏರಿಳಿಕೆಗೊಳಿಸುತ್ತದೆ.
  ಸಾಫ್ಟ್ ಡ್ರಿಂಕ್ಸ್: ಇವು ಕೃತಕ ಸಿಹಿತಿಂಡಿಗಳಿಂದ ಕೂಡಿರುವುದರಿಂದ ಹೃದಯಕ್ಕೆ ಹಾನಿಕಾರಕ.
  ಕ್ಯಾಂಡೀಸ್: ಇವು ಸಕ್ಕರೆಯ ಗುಂಡಿಗೆಯಂತೆ, ತಕ್ಷಣ ಇನ್ಸುಲಿನ್ ಏರಿಳಿಕೆಗೊಳಿಸುತ್ತವೆ.
  ಡೆಸರ್ಟ್ಸ್: ಇವು ರುಚಿಕರವಾದರೂ, ದೀರ್ಘಕಾಲದಲ್ಲಿ ಹೃದಯದ ಆರೋಗ್ಯಕ್ಕೆ ಮಾರಕ.
  ಬ್ರೇಕ್‌ಫಾಸ್ಟ್ ಸಿರಿಯಲ್ಸ್: ಆರೋಗ್ಯಕರವೆಂದು ತೋರುವ ಇವುಗಳಲ್ಲಿ ಗುಪ್ತ ಸಕ್ಕರೆ ಇರುತ್ತದೆ.
  ಬೇಕರಿ ಪದಾರ್ಥಗಳು: ಕೇಕ್, ಕುಕೀಸ್‌ಗಳು ಸಕ್ಕರೆಯಿಂದ ಕೂಡಿರುತ್ತವೆ.

ಆಘಾತಕಾರಿ ಸತ್ಯ ವರದಿಯಲ್ಲಿದೆ
ಜಯದೇವ ಆಸ್ಪತ್ರೆಯ ತಜ್ಞರಾದ ಡಾ. ರವೀಂದ್ರನಾಥ್ ನೇತೃತ್ವದ ತಾಂತ್ರಿಕ ಸಲಹಾ ಸಮಿತಿಯು ಕರ್ನಾಟಕದಲ್ಲಿ ಹೃದಯಾಘಾತ ಪ್ರಕರಣಗಳ ಹೆಚ್ಚಳದ ಕುರಿತು ಅಧ್ಯಯನ ನಡೆಸಿ, ಸರ್ಕಾರಕ್ಕೆ ವರದಿ ಸಲ್ಲಿಸಿದೆ.

ಈ ವರದಿಯ ಪ್ರಕಾರ, 251 ರೋಗಿಗಳಲ್ಲಿ 87 ಮಂದಿಗೆ ಮಧುಮೇಹ, 102 ರೋಗಿಗಳಿಗೆ ರಕ್ತದೊತ್ತಡ, ಮತ್ತು 35 ಮಂದಿಗೆ ಕೊಲೆಸ್ಟ್ರಾಲ್ ಕಂಡುಬಂದಿದೆ. ಇದರ ಜೊತೆಗೆ, ಅನಾರೋಗ್ಯಕರ ಆಹಾರ ಪದ್ಧತಿಯಿಂದಾಗಿ ಸೋಡಿಯಂ ಮತ್ತು ಸಕ್ಕರೆಯ ಸೇವನೆಯೂ ಈ ಸಮಸ್ಯೆಗೆ ಕಾರಣವಾಗಿದೆ.