DAKSHINA KANNADA

ಮಂಗಲಳೂರು: ನಮ್ಮ ಕುಡ್ಲ ವಾಹಿನಿಯ ಬೆಳ್ಳಿ ಹಬ್ಬ ಸಮಾರಂಭವನ್ನು ನಿನ್ನೆ ಮಂಗಳೂರಿನ ಪುರಭವನದಲ್ಲಿ ದಿನವಿಡೀ ವಿವಿಧ ಕಾರ್ಯಕ್ರಮಗಳೊಂದಿಗೆ ಆಚರಿಸಲಾಯಿತು.

Posted on

Share
ಮಂಗಲಳೂರು: ಬೆಳಗ್ಗೆ ಉದ್ಘಾಟನಾ ಸಮಾರಂಭದಲ್ಲಿ ನಮ್ಮಕುಡ್ಲ ಚಾನಲ್ ನಿರ್ದೇಶಕ ಲೀಲಾಕ್ಷ ಬಿ. ಕರ್ಕೇರ ಅವರು ಪ್ರಸ್ತಾವನೆಜೈದು ಸ್ವಾಗತಿಸಿದರು. ನಿರ್ದೇಶಕರಾದ ಹರೀಶ್ ಬಿ. ಕರ್ಕೇರ, ಸುರೇಶ್ ಬಿ. ಕರ್ಕೇರ, ಮೋಹನ್ ಬಿ. ಕರ್ಕೇರ, ಸಂತೋಷ್ ಬಿ. ಕರ್ಕೇರ ಅವರು ಅತಿಥಿಗಳಾಗಿ ಉಪಸ್ಥಿತರಿದ್ದ ಸ್ವಾಮೀಜಿ ಗೌರವಿಸಿದರು.
ಶರವು ಶ್ರೀ ಮಹಾ ಗಣಪತಿ ದೇವಸ್ಥಾನದ ಅನುವಂಶಿಕ ಮೊಕ್ತೇಸರ ಶ್ರೀ ಶರವು ರಾಘವೇಂದ್ರ ಶಾಸ್ತ್ರಿ ಅವರು ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿ 25 ವರ್ಷಗಳ ಹಿಂದೆ ಬಾಬು ಕರ್ಕೇರ ಮತ್ತು ಕುಟುಂಬದವರು ಶರವು ದೇವಳಕ್ಕೆ ಬಂದು ನಾವು ತುಳು ಮಾತೆಯ ಸೇವೆ ಮಾಡಲು ಬಯಸಿದ್ದೇವೆ. ಅದಕ್ಕೆ ಆಶೀರ್ವಾದ ಮಾಡ ಬೇಕೆಂದು ದೇವರ ಬಳಿ ಪ್ರಾರ್ಥನೆ ಸಲ್ಲಿಸಿದ್ದರು. ದೇವರ ಆಶೀರ್ವಾದದಂತೆ ಈಗ ಈ ಸಂಸ್ಥೆ ಬೆಳೆದು ಬೆಳ್ಳಿ ಹಬ್ಬವನ್ನು ಆಚರಿಸುವ ಹಂತಕ್ಕೆ ತಲುಪಿದೆ. ಸಂಸ್ಥೆಯು ಮುಂದೆ ವಜ್ರ ಮಹೋತ್ಸವ ಮತ್ತು ಶತಮಾನೋತ್ಸವ ಆಚರಿಸುವಂತಾಗಲಿ. ತುಳು ಭಾಷೆ ಮತ್ತು ಸಂಸ್ಕೃತಿಯ ಕಂಪನ್ನು ಜಗತ್ತಿಗೆ ಪಸರಿಸಿದ ಕೀರ್ತಿ ನಮ್ಮ ಕುಡ್ಲ ವಾಹಿನಿಗೆ ಸಲ್ಲುತ್ತಿದೆ. ತುಳು ಮಾತೆಯ ಕಂಪನ್ನು ವಿಶ್ವಾದ್ಯಂತ ಪಸರಿಸಲು ಇನ್ನಷ್ಟು ಶಕ್ತಿಯನ್ನು ಸಂಸ್ಥೆಗೆ ದೇವರು ನೀಡಲಿ ಮತ್ತು ಸಂಪತ್ತು, ಸಮೃದ್ಧಿಯನ್ನು ದಯಪಾಲಿಸಲಿ ಎಂದು ಶುಭ ಹಾರೈಸಿದರು.
ಮಾಣಿಲ ಶ್ರೀ ಧಾಮ ಶ್ರೀ ಮೋಹನದಾಸ ಪರಮಹಂಸ ಸ್ವಾಮೀಜಿ ಆಶೀರ್ವಚನ ಮಾಡಿ ಒಂದು ಸಂಸ್ಥೆ ಹೇಗೆ ಇರ ಬೇಕೆಂದು ಹಾಗೂ ಸಮಾಜದ ಎಲ್ಲಾ ವರ್ಗಗಳ ಜನರನ್ನು ಹೇಗೆ ಪ್ರೀತಿ ಮಾಡ ಬೇಕೆಂಬುದನ್ನು ಕರ್ಕೇರ ಸಹೋದರರು ತೋರಿಸಿ ಕೊಟ್ಟಿದ್ದಾರೆ. ದುಡಿಯುವ ಕುಟುಂಬಗಳನ್ನು ತಮ್ಮ ಕುಟುಂಬ ಎಂಬಂತೆ ನೋಡಿಕೊಂಡಿದ್ದಾರೆ. ಸೂರ್ಯ ಚಂದ್ರರು ಇರುವ ತನಕ ನಮ್ಮ ಕುಡ್ಲ ಸಂಸ್ಥೆ ಬಾಳಿ ಬೆಳಗಲಿ ಎಂದು ಶುಭ ಕೋರಿದರು. ಕಟೀಲು ಕ್ಷೇತ್ರದ ಅರ್ಚಕರಾದ ವೇದ ಮೂರ್ತಿ ವಾಸುದೇವ ಅಸ್ರಣ್ಣ, ವೇದ ಮೂರ್ತಿ ಲಕ್ಷ್ಮೀ ನಾರಾಯಣ ಅಸ್ರಣ್ಣ, ವೇದ ಮೂರ್ತಿ ವೆಂಕಟರಮಣ ಅಸ್ರಣ್ಣ ಅವರು ಶುಭಾಶಂಸನೆ ಗೈದರು.
ಕುಡುಪು ನರಸಿಂಹ ತಂತ್ರಿ, ದೇರೆಬೈಲ್ ವಿಠಲ ದಾಸ ತಂತ್ರಿ, ನಾಗಪಾತ್ರಿ ಸಗ್ರಿ ಗೋಪಾಲ ಕೃಷ್ಣ ಸಾಮಗ, ಪೊಳಲಿಯ ಪ್ರಧಾನ ಅರ್ಚಕ ಅಡಿಗಳ್‌ ನಾರಾಯಣ ಭಟ್, ಬಾಳಂಭಟ್ ಮನೆತನದ ಗಿರಿಧರ್ ಭಟ್, ಧರ್ಮದರ್ಶಿ ಹರಿಕೃಷ್ಣ ಪುನರೂರು, ಮಂಗಳಾದೇವಿ ದೇವಸ್ಥಾನದ ಅರುಣ್ ಕುಮಾರ್ ಐತಾಳ್, ಉರ್ವ ಮಾರಿಯಮ್ಮ ದೇವಸ್ಥಾನದ ಲಕ್ಷ್ಮಣ ಕೋಡಿಕಲ್, ಶಕ್ತಿ ವಿದ್ಯಾ ಸಂಸ್ಥೆಯ ಡಾ. ಕೆ.ಸಿ. ನಾಯ್ಕ್, ಬಾಚಕೆರೆ ಕ್ಷೇತ್ರದ ದೇಜಪ್ಪ ಬಾಚಕೆರೆ, ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರದ ಆಡಳಿತ ಮಂಡಳಿ ಅಧ್ಯಕ್ಷ ಎಚ್. ಎಸ್. ಜಯರಾಜ್, ಪಟ್ಲ ಫೌಂಡೇಷನ್ ಸ್ಥಾಪಕ ಅಧ್ಯಕ್ಷ ಪಟ್ಲ ಸತೀಶ್ ಶೆಟ್ಟಿ, ಕನ್ನಡ ಸಾಹಿತ್ಯ ಪರಿಷತ್ತಿನ ಜಿಲ್ಲಾಧ್ಯಕ್ಷ ಡಾ. ಶ್ರೀನಾಥ್, ಅಖಿಲ ಭಾರತ ತುಳು ಒಕ್ಕೂಟದ ಮಾಜಿ ಅಧ್ಯಕ್ಷ ಎ. ಸಿ. ಭಂಡಾರಿ, ಹೆಜಮಾಡಿ ಕುಜುಮಮ್ಮುನಟ್ಟಿ ಜಾರಂದಾಯ ದೇವಸ್ಥಾನದ ಗಡಿ ಪ್ರಧಾನರಾದ ಮೋಹನ್ ಪೂಜಾರಿ ಅವರು ಅಥಿತಿಗಳಾಗಿ ಉಪಸ್ಥಿತರಿದ್ದರು. ದಿನೇಶ್ ರಾಯಿ ಕಾರ್ಯಕ್ರಮ ನಿರ್ವಹಿಸಿದರು.

Most Popular

Exit mobile version