ಮಂಗಳೂರು: ಹಿದಾಯ ಫೌಂಡೇಶನ್ ಮಂಗಳೂರು ಇದರ ಸಹಸಂಸ್ಥೆಯಾದ ವೆಲ್ ನೆಸ್ ಹೆಲ್ಪ್ ಲೈನ್ (ಆರೋಗ್ಯ ವಿಭಾಗ) ವತಿಯಿಂದ ಪಡೀಲ್ ಜನಪ್ರಿಯ ಆಸ್ಪತ್ರೆಗೆ 6 ಡಯಾಲಿಸಿಸ್ ಯಂತ್ರವನ್ನು ಕೊಡುಗೆಯಾಗಿ ನೀಡಲಾಯಿತು. ಅ.15 ರಂದು ಜನಪ್ರಿಯ ಆಸ್ಪತ್ರೆಯಲ್ಲಿ ಚಾಲನೆ ನೀಡಲಾಯಿತು. ಬಡ ವರ್ಗದ ಕಿಡ್ನಿ ಡಯಾಲಿಸಿಸ್ ರೋಗಿಗಳಿಗೆ ಉಚಿತ ಚಿಕಿತ್ಸೆ ನೀಡುವ ಉದ್ದೇಶದಿಂದ ಈ ಯೋಜನೆಯನ್ನು ಹಮ್ಮಿಕೊಳ್ಳಲಾಗಿದೆ. ಈ ಸಂದರ್ಭದಲ್ಲಿ ಚೇರ್ಮೆನ್ ಝಕರಿಯಾ ಜೋಕಟ್ಟೆ ಮಾತನಾಡಿ ದಾನ ಮಾಡಿ ಯಾರೂ ಕಳೆದುಕೊಂಡದ್ದಿಲ್ಲ ಸಾಮಾಜಿಕ ಕೆಲಸಗಳಲ್ಲಿ ತೊಡಗಿಕೊಂಡರೆ ಸೃಷ್ಟಿಕರ್ತನ ಸಹಾಯ ಯಾವತ್ತೂ ನಮ್ಮಲ್ಲಿರುತ್ತದೆ ಎಂದು ಹೇಳಿದರು.
ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಜನಪ್ರಿಯ ಆಸ್ಪತ್ರೆಯ ಚೇರ್ಮೆನ್ ಡಾ. ವಿ.ಕೆ.ಅಬ್ದುಲ್ ಬಶೀರ್ ವಹಿಸಿದರು. ಡಯಾಲಿಸಿಸ್ ಸೆಂಟರ್ ಫಲಕವನ್ನು ವೆಲ್ ನೆಸ್ ಚೇರ್ಮೆನ್ ರಿಯಾಝ್ ಬಾವಾ ಮಾಡಿದರು. ವೆಲ್ ನೆಸ್ ನ ಯು.ಬಿ.ಸಲೀಂ ಪ್ರಾಸ್ತಾವಿಕ ಮಾತನಾಡಿದರು.
ಹಿದಾಯ ಫೌಂಡೇಶನ್ ವೈಸ್ ಚೇರ್ಮೆನ್ ಹನೀಫ್ ಹಾಜಿ ಗೋಳ್ತಮಜಲು, ಕಾರ್ಯದರ್ಶಿ ಅಬ್ಬಾಸ್ ಇಚ್ಚಿಲ್, ಮುಸ್ತಫಾ ಭಾರತ್, ವೆಲ್ ನೆಸ್ ನ ಝಿಯಾವುದ್ದೀನ್, ಅಬ್ದುಲ್ಲ ಮೋನು ಖತಾರ್, ಸಲೀಂ ಮೊಹಮ್ಮದ್, ಝಕರಿಯಾ ಫರ್ವೇಝ್, ಸಮೀಮ್ ಮೊಹಮ್ಮದ್, ರಫೀಕ್ ಕಲ್ಲಡ್ಕ, ಆಶಿಕ್ ಕುಕ್ಕಾಜೆ, ಮೊಹಮ್ಮದ್ ಅಕ್ತರ್ ಮತ್ತು ಜಮಪ್ರಿಯ ಆಸ್ಪತ್ರೆಯ ವ್ಯವಸ್ಥಾಪಕ ಇಕ್ಬಾಲ್ ವಿಟ್ಲ, ನಿರ್ವಾಹಕ ಡಾ. ಸಚಿನ್ ಸಿಬಂದಿಗಳು ಉಪಸ್ಥಿತರಿದ್ದರು. ಜನಪ್ರಿಯ ಆಸ್ಪತ್ರೆಯ ಡಾ. ಖಿರಾಶ್ ಅಥಿತಿಗಳನ್ನು ಸ್ವಾಗತಿಸಿ ವಂದಿಸಿದರು.
