ಜಿತೇಂದ್ರ ಕುಂದೇಶ್ವರ
ಮಂಗಳೂರು:
ಅನಾಮಿಕ ಮುಸುಕುಧಾರಿ ಬುರುಡೆ ಬಿಟ್ಟ ಗುಟ್ಟು ರಟ್ಟಾಗುತ್ತಿದ್ದಂತೆ ಇನ್ನೂ 13 ಸ್ಥಳಗಳಲ್ಲಿ ಬುರುಡೆ ಶೋಧ ನಡೆಸಲೇ ಬೇಕು ಎಂದುಪಟ್ಟು ಹಿಡಿದಿದ್ದಾನೆ. ದೇವಸ್ಥಾನ, ಬಸ್ ನಿಲ್ಲಾಣ ಮತ್ತು ಪೊಲೀಸ್ ಠಾಣೆ ಮತ್ತು ಆತ ಹಿಂದೆ ಕೆಲಸ ಮಾಡುತ್ತಿದ್ದ ಸಾರ್ವಜನಿಕ ಶೌಚಾಲಯ ಬಳಿ ಇನ್ನೂ ಹೆಚ್ಚಿನ ಪಾಯಿಂಟ್‌ಗಳನ್ನು ಹೇಳುತ್ತಿದ್ದಾನೆ.
ಗುರುವಾರ ಮುಸುಕುಧಾರಿ ಅನಾಮಿಕ ವ್ಯಕ್ತಿಯು ದೇವಸ್ಥಾನ ಆವರಣ ಬಳಿಕ ಪಾರ್ಕಿಂಗ್‌ ಸ್ಥಳದಲ್ಲಿ ಸ್ಥಳ ಮಹಜರಿಗೆ ತೆರಳಿರುವುದು ಭಕ್ತರಲ್ಲಿ ಆತಂಕ ಮೂಡುವಂತೆ ಮಾಡಿತ್ತು. ಈತನೇ ಹೇಳಿದ ಪ್ರಕಾರ ಈ ಮಾರ್ಕಿಂಗ್‌ ಮಾಡಿದ ಬಳಿ ತೋಡಿದ ಗುಂಡಿಗಳಲ್ಲಿ ನೂರಕ್ಕೂ ಹೆಚ್ಚು ಶವ ಸಿಗಬೇಕಿತ್ತು. 30 ಹೊಂಡಗಳಲ್ಲಿ 300 ಹೆಣ ಹೂತಿರುವುದಾಗಿ ಹೇಳಿದ್ದ. ಆದರೆ ಒಂದೇ ಒಂದು ಹೆಣ್ಣು ಅಸ್ಥಿಪಂಜರ ಲಭಿಸಿಲ್ಲ.
ಆದರೂ ಈತ ಹೇಳಿದಂತೆ ಎಸ್‌ಐಟಿ ತಂಡ ಹೋದಲ್ಲಿ ಗುಂಡಿ ತೋಡುತ್ತಿದೆ.
ಭಾನುವಾರ ಬಿಜೆಪಿ ನಿಯೋಗ ಧರ್ಮಸ್ಥಳ ಭೇಟಿ ಮಾಡುವ ಹಿನ್ನೆಲೆಯಲ್ಲಿ ಹೋಂಡ ತೋಡುವ ಕಾರ್ಯಕ್ರಮ ಮುಂದೂಡಲಾದ ಮಾಹಿತಿ ಬಂದಿದೆ. ಆದರೆ ಎಸ್‌ಐಟಿ ಇನ್ನಿತರ ದಾಖಲೆ ಕ್ರೋಡೀಕರಣ ನಡೆಸಲಿದೆ. ಮುಸುಕುಧಾರಿ ಆತ ಹೂತಿದ್ದಾನೆ ಎಂದು ಹೇಳಲಾಗುವ ಸಮಾಧಿಯನ್ನು ಸೋಮವಾರ ಮಾರ್ಕಿಂಗ್‌ ಮಾಡಿ ಅಸ್ಥಿ ಉತ್ಖನನಕ್ಕೆ ಸಿದ್ಧತೆ ಮಾಡಲಾಗಿದೆವಿಧಾನಸಭೆಯಲ್ಲಿ ಸೋಮವಾರ ಗೃಹಸಚಿವರು ಉತ್ತರ ಹೇಳುವ ಮುನ್ನ ಕೊನೆಯ ಅವಕಾಶವಾಗಿ ಆತ ಹೇಳಿದಂತೆ ರಾಜರಸ್ತೆಯ ಬಳಿಯಲ್ಲಿಯೇ ಇರುವ ಪೊಲೀಸ್ ಠಾಣೆ, ಕೆಎಸ್‌ಆರ್‌ಟಿಸಿ ಅಥವಾ ಶೌಚಾಲಯ ಬಳಿ ಹೊಂಡ ತೋಡುವುದು ಖಚಿತವಾಗಿದೆ. ಲೋಕಕ್ಕೆ ಮಂಕುಬೂದಿ ಎರಚಿದ ಈತ ಪ್ರಕರಣ ರಾಜ್ಯಾದ್ಯಂತ ಢಾಣಾ ಡಂಗುರ ಹೊಡೆದರೂ ಮುಸುಕುಧಾರಿ ಮಾತ್ರ ದೃಶ್ಯಂ ಸಿನಿಮಾದಂತೆ ಪೊಲೀಸ್ ಠಾಣೆಯ ಅಡಿಭಾಗದಲ್ಲಿಯೇ ಹೆಣ ಹೂತಿರುವ ಕತೆಯಂತೆ ಇಲ್ಲಿಯೂ ಆದದ್ದಾಗಲಿ ಎಂದು ಗಿಮಿಕ್‌ ಮಾಡುತ್ತಿದ್ದನೇ ಎಂಬ ಸಂಶಯವೂ ಕಾಡುತ್ತಿದೆ.
ಸ್ಥಳೀಯ ತಂಡ ನಿರ್ದೇಶನ: ಸಾಕ್ಷಿ ರಕ್ಷಣೆಯಡಿ ಮಾಧ್ಯಮಗಳು ಮುಸುಕುಧಾರಿ ಹತ್ತಿರ ಸುಳಿಯದಂತೆ ಎಸ್‌ಐಟಿ ಬಂದೋ ಬಸ್ತ್‌ ಏರ್ಪಡಿಸಿದೆ. ಆದರೆ ರಾಷ್ಟ್ರೀಯ ಖಾಸಗಿ ವಾಹಿನಿಗೆ ಈತ ಸಂದರ್ಶನ ನೀಡಿ, ಹಳೆಯ ನೂರಾರು ಶವಗಳ ಕಟ್ಟುಕಥೆ ಜತೆ ತನ್ನ ಜತೆ ಹೂಳಲು ಬಂದವರ ಹೆಸರು ಹೇಳಿದ್ದಾನೆ. ಈ ಸಂದರ್ಭ ಸಂದರ್ಶನದ ಮಧ್ಯೆ ಧರ್ಮಸ್ಥಳ ವಿರೋಧಿ ತಂಡದ ಪ್ರಮುಖ ಹೋರಾಟಗಾರನೊಬ್ಬ ಪ್ರಾಮ್ಟ್‌ ಮಾಡುತ್ತಿರುವ ಸ್ವರ ಕೇಳಿಸಿದೆ. ಹೀಗಾಗಿ ಇವೆಲ್ಲವೂ ಧರ್ಮಸ್ಥಳ ಟಾರ್ಗೆಟ್‌ ಮಾಡುವ ತಂಡದ ನಿರ್ದೇಶನದಂತೆ ನಡೆದಿರುವುದಕ್ಕೆ ಪುಷ್ಟಿ ನೀಡಿದೆ. ಇದೇ ತಂಡವೇ ಧರ್ಮಸ್ಥಳ ತೇಜೋವಧೆಗೆ ಸ್ಥಳೀಯ ಮಟ್ಟದಲ್ಲಿ ಸಂಪನ್ಮೂಲ ಕ್ರೋಢೀಕರಿಸಿದ ಶಂಕೆ ವ್ಯಕ್ತವಾಗಿದೆ.
ಭೀನ್ನಮತ, ಗಲಾಟೆ:
ಏಸ್‌ಐಟಿಗೆ ಬರುವ ವೇಳೆಗೆ ಮುಖಕ್ಕೆ ಮುಸುಕು ವೇಷ ಹಾಕಿ ಸಿದ್ಧನಾಗುವ ಈತ ಹಗಲು ಇಡೀ ಎಸ್‌ಐಟಿ ಜತೆ ಇದು ಊಟ, ಪಾನೀಯ ಸೇವಿಸಿ ಬಳಿಕ ಹೋರಾಟಗಾರರ ಮನೆಯಲ್ಲಿ ತಂಗುತ್ತಿರುವುದು ಬೆಳಕಿಗೆ ಬಂದಿದೆ. ರಾತ್ರಿ ಪಾನೀಯ, ಪಾರ್ಟಿ ನಡೆಸಿ ಮುಂದಿನ ಕಾರ್ಯಾಲೋಚನೆ ಕುರಿತು ಮಂತ್ರಾಲೋಚನೆ ನಡೆಸಿದ ಬಳಿಕ ನಿದ್ದೆಗೆ ಜಾರುತ್ತಿದ್ದರು ಎನ್ನಲಾಗಿದೆ. ಆದರೆ ಈ ಸಂದರ್ಭ ಗಲಾಟೆಗಳೂ ನಡೆದಿವೆ. ಹೇಳಿದಂತೆ ಅಸ್ಥಿಪಂಜರವೂ ಸಿಕ್ಕಿಲ್ಲ, ನಿನಗೆ ಇಷ್ಟೆಲ್ಲ ಕೊಟ್ಟು ಕರೆಸಿಕೊಂಡದ್ದು ವ್ಯರ್ಥವಾಯಿತು ಎಂಬ ಆಕ್ರೋಶ, ಎರಡೇಟು ಬಿಗಿದ ಮಾಹಿತಿಯೂ ಹೊರ ಬಿದ್ದಿದೆ.
ಈ ಹಿನ್ನೆಲೆಯಲ್ಲಿ ಇದ್ದಬದ್ದ ಕಡೆಯಲ್ಲಿ ಜಾಗ ತೋರಿಸುವ ತರಾತುರಿಗೆ ಬಿದ್ದಿರುವ ಸಾಧ್ಯತೆ ಇದೆ. ಆದರೆ ದಕ್ಷಿಣ ಕನ್ನಡ ಜಿಲ್ಲಾ ಎಸ್‌ಪಿ ಅರುಣ್‌ ಕುಮಾರ್‌ ಸೂಚಿಸಿದಂತೆ ಮೊದಲೇ ಂಒದಲೇ ಮಂಪರು ಪರೀಕ್ಷೆಯಾಗಿದ್ದರೆ ಇಷ್ಟೆಲ್ಲ ನಾಟಕ ನಡೆಯುವ ಸಾಧ್ಯತೆ ಇರಲಿಲ್ಲ. ಇದೀಗ ಎಸ್‌ಐಟಿ ಆರೋಪಿ ದೂರುದಾರನ ಮಂಪರು ಪರೀಕ್ಷೆ ನಡೆಸುವ ಚಿಂತನೆ ನಡೆಸಿದೆ.
