: ಉಲ್ಲು, ಆಲ್ಟ್ ಬಾಲಾಜಿ ಸಹಿತ 25 ಒಟಿಟಿಗಳ ನಿಷೇಧ
ದೆಹಲಿ: ಒಟಿಟಿ ಮತ್ತು ಮನೊರಂಜನಾ ಅಪ್ಲಿಕೇಶನ್ಗಳು ಅಶ್ಲೀಲ ಕಂಟೆಂಟ್ ನೀಡಿ ಹಣ ಮಾಡುತ್ತಿವೆ. ಇದೀಗ ಅಂಥಹಾ ಒಟಿಟಿಗಳಿಗೆ ಕೇಂದ್ರ ಸರ್ಕಾರ ಶಾಕ್ ನೀಡಿದೆ.
ಭಾರತದಲ್ಲಿ ಅಶ್ಲೀಲ ಕಂಟೆಂಟ್ಗೆ ಬಹಳ ಜನಪ್ರಿಯವಾಗಿರುವ ಆಪ್ಗಳೆಂದರೆ ಉಲ್ಲು ಮತ್ತು ಆಲ್ಟ್ ಬಾಲಾಜಿ. ಈ ಎರಡೂ ಒಟಿಟಿಗಳು ಸೇರಿದಂತೆ 25 ಒಟಿಟಿ ಮತ್ತು ಅಪ್ಲಿಕೇಶನ್ಗಳ ಮೇಲೆ ನಿಷೇಧ ಹೇರಿ ಕೇಂದ್ರ ಸರ್ಕಾರದ ಮಾಹಿತಿ ಮತ್ತು ಪ್ರಸಾರ ಇಲಾಖೆಯು ಆದೇಶ ಹೊರಡಿಸಿದೆ.
ಉಲ್ಲು ಮತ್ತು ಆಲ್ಟ್ ಬಾಲಾಜಿ ಒಟಿಟಿಗಳು ಭಾರತದ ಟಾಪ್ 10 ಒಟಿಟಿಗಳಲ್ಲಿ ಸ್ಥಾನ ಪಡೆದಿದ್ದವು ಆದರೆ ಈಗ ಅವುಗಳ ಮೇಲೆ ಸರ್ಕಾರ ನಿಷೇಧ ಹೇರಿದೆ.
ಈ ಒಟಿಟಿಗಳು ಭಾರತದ ಪ್ರಸಾರ ಕಾಯ್ದೆಯನ್ನು ಉಲ್ಲಂಘಿಸಿ ಅಶ್ಲೀಲ ಕಂಟೆಂಟ್ ಅನ್ನು ಪ್ರಚಾರ ಮತ್ತು ಪ್ರಸಾರ ಮಾಡುತ್ತಿವೆ ಎಂಬ ಕಾರಣ ನೀಡಿ ಮಾಹಿತಿ ಮತ್ತು ಪ್ರಸಾರ ಇಲಾಖೆಯು 25 ಒಟಿಟಿಗಳ ಮೇಲೆ ನಿಷೇಧ ಹೇರಿದೆ. ಈ ಅಪ್ಲಿಕೇಶನ್, ಒಟಿಟಿಗಳು ಪ್ರಸ್ತುತ ಭಾರತದಲ್ಲಿ ಮಾತ್ರವೇ ನಿಷೇಧಗೊಳ್ಳಲಿವೆ. ಭಾರತದ ಹೊರಗೆ ಈ ಒಟಿಟಿಗಳು ಕಾರ್ಯ ನಿರ್ವಹಿಸಲಿವೆ.
ಈಗ ಬ್ಯಾನ್ ಆಗಿರುವ ಒಟಿಟಿಗಳಲ್ಲಿ ಖ್ಯಾತ ನಿರ್ಮಾಪಕಿ, ಟಿವಿ ಲೋಕದ ದೊರೆ ಎಂದೇ ಕರೆಯಲಾಗುವ ಏಕ್ತಾ ಕಪೂರ್ ಒಡೆತನದ ಆಲ್ಟ್ ಬಾಲಾಜಿ ಸಹ ಇದೆ. ಈ ಹಿಂದೆಯೂ ಸಹ ಏಕ್ತಾ ಒಡೆತನದ ಆಲ್ಟ್ ಬಾಲಾಜಿ ಒಟಿಟಿಯ ಕಂಟೆಂಟ್ಗಳ ಮೇಲೆ ದೂರುಗಳು ದಾಖಲಾಗಿದ್ದವು.
ಯಾವುದೇ ಕ್ರಮ ಕೈಗೊಂಡಿರಲಿಲ್ಲ. ಈಗ ಒಮ್ಮೆಲೆ ನಿಷೇಧ ಹೇರಲಾಗಿದೆ. ಏಕ್ತಾ ಮತ್ತು ಇತರೆ ಒಟಿಟಿಗಳವರು ಸರ್ಕಾರದ ಆದೇಶದ ವಿರುದ್ಧ ನ್ಯಾಯಾಲಯದ ಮೆಟ್ಟಿಲೇರುವ ಸಾಧ್ಯತೆ ಇದೆ.
ಅಶ್ಲೀಲ ಕಂಟೆಂಟ್ ಪ್ರಸಾರ ಮಾಡುವುದಕ್ಕೇ ಜನಪ್ರಿಯವಾಗಿದ್ದ ಉಲ್ಲು, ಆಲ್ಟ್ ಬಾಲಾಜಿ, ಬಿಗ್ ಶಾಟ್ಸ್, ಜಲ್ವಾ ಆಪ್, ದೇಸಿ ಫ್ಲಿಕ್ಸ್, ಹಾಟ್ ಎಕ್ಸ್ ವಿಐಪಿ, ಅಡ್ಡಾ ಟಿವಿ, ನವರಸ ಲೈಟ್, ಗುಲಾಬ್ ಆಪ್, ಮೂಡ್ ಎಕ್ಸ್, ಹಲ್ಚಲ್ ಆಫ್, ಮೋಜ್ಫ್ಲಿಕ್ಸ್, ಬೂಮೆಕ್ಸ್, ಶೋ ಎಕ್ಸ್, ಬುಲ್ ಆಪ್, ಕಂಗನಾ ಆಪ್ ಇನ್ನೂ ಕೆಲವು ಅಪ್ಲಿಕೇಶನ್ ಮತ್ತು ಒಟಿಟಿಗಳನ್ನು ಸರ್ಕಾರ ನಿಷೇಧ ಮಾಡಿದೆ
